💥 ब्रेकिंग! आ. संजय गायकवाड विरोधात गुन्हा दाखल करण्यासाठी काँग्रेसचा पोलीस ठाण्यात बैठा सत्याग्रह ! -गुन्हा दाखल होईस्तोवरपोलीस स्टेशन मधून उठणार नसल्याची काँग्रेसची भूमिका

बुलढाणा (हॅलो बुलढाणा) राहुल गांधी यांच्या विरोधात जीभ छाटणाऱ्याला अकरा लाखांचे बक्षीस देण्याचे वक्तव्य करणाऱ्या शिवसेनेचे आमदार संजय गायकवाड यांच्या विरोधात गुन्हा दाखल करण्याची मागणी करत काँग्रेसने बुलढाणा शहर पोलीस स्टेशन मध्ये ठिय्या आंदोलन सुरू केले आहे. जोपर्यंत आमदार संजय गायकवाड यांच्यावर गुन्हा दाखल होत नाही तोपर्यंत पोलीस स्टेशनमधून उठणार नसल्याची तटस्थ भूमिका काँग्रेसकडून घेण्यात आली आहे.

आमदार संजय गायकवाड यांच्या राहुल गांधी यांची जीभ कापून आणणाऱ्यास अकरा लाखाची बक्षीस देण्याच्या विधानावरून बुलढाणा जिल्ह्यात राजकारण पेटल आहे.राज्यभरात तीव्र पडसाद उमटत आहेत.’हॅलो बुलढाणा’ला अनेक नेत्यांच्या प्रतिक्रिया प्राप्त होत आहेत. आमदार गायकवाड यांना युएपी अंतर्गत गुन्हे दाखल करून तात्काळ अटक करावे ,अशी मागणीकाँग्रेसकडून उठत आहे.
राहुल गांधींच्या जिभेपर्यंत काय त्यांच्या पायाच्या नखापर्यंत ही गायकवाडांचे हात पोहोचू शकत नाहीत! असे काँग्रेसचे जिल्हाध्यक्ष राहुल बोंद्रे यांनी म्हटले असून त्यांनी गायकवाड यांच्या वक्तव्याचा धिक्कार केला.तर खंडणीखोर आमदार गायकवाडांना
बरळण्याचा मानसिक आजार आहे,गणराया त्यांना सद्बुद्धी दे दुर्बुद्धी दूर कर..असे साकडे घालत माजी आमदार हर्षवर्धन सपकाळ यांनी अकरा रुपयांचे मुरमुरे वाटून गायकवाड यांचा निषेध केला तसेच
शंखपुष्पी सायरप देखील आमदारासाठी सप्रेम भेट दिल्याचे त्यांनी सांगितले.
शिवाय काँग्रेसच्या प्रदेश सचिव जयश्रीताई शेळके यांनी देखील आमदार संजय गायकवाड यांना अटक करण्याची मागणी केली.बुलढाणा विधानसभा मतदारसंघात लोकशाही नसून गुंडशाही असल्याचेआमदार गायकवाड यांनी स्वतःच बेताल वक्तव्यातून दाखवून दिले असल्याची प्रतिक्रिया शेळके यांनी दिली.दरम्यान काँग्रेसपक्षाने वज्रमुठ आवळली असून बुलढाणा शहर पोलीस ठाण्यात बैठे आंदोलन सुरू करून आमदारांना जोपर्यंत अटक होत नाही तोपर्यंत उठणार नसल्याची तटस्थ भूमिका घेतली आहे.