लोणार (हॅलो बुलढाणा) उद्धवसाहेब ठाकरे यांचा वाढदिवस विविध मानवतावादी उपक्रमाने सप्ताह म्हणून साजरा होत आहे. आज गोंडवैदू यांच्या पालावर ब्लॅंकेटचे वाटप शिवसेना उ.बा.ठा.चे जिल्हा संघटक प्रा.डॉ. गोपाल बछिरे व त्यांचे सहकारी शहर प्रमुख गजानन जाधव सर, लुकमान कुरेशी, श्रीकांत मादनकर, तानाजी अंभोरे यांच्या हस्ते करण्यात आले.
मेहकर लोणार विधानसभा मतदारसंघात महाराष्ट्राचे माजी मुख्यमंत्री तथा शिवसेना पक्षप्रमुख उद्धव साहेब ठाकरे यांच्या वाढदिवसानिमित्त २७ जुलै ते ४ ऑगस्टपर्यंत मानवतावादी भावनेने विविध उपक्रम घेतले जात आहे.त्यापैकी एक उपक्रम, समाजापासून दुरावलेले वंचित, दुर्लक्षित घटक म्हणजे वैदू व गोंड समाज ! या समाजातील महिला भगिनींना ब्लॅंकेटचे वाटप करण्यात आले. याप्रसंगी लोणारचे शहर प्रमुख गजानन जाधव सर शहर उपप्रमुख लूकमानभाई कुरेशी युवा शहर प्रमुख श्रीकांत मादनकर, विभागप्रमुख तानाजी अंभोरे गणेश पाठे प्रसेंजित बछिरे प्रामुख्याने उपस्थित होते.
