💥मुजोरपणा थांबणार कधी? ‘भूमी अभिलेख मोजणी अधिकाऱ्याची अरेरावी!’ – एका व्हिडीओ द्वारे मुख्यमंत्री व जिल्हाधिकारी यांच्याकडे तक्रार!

मोताळा (हॅलो बुलडाणा) अलीकडे अधिकारी व कर्मचाऱ्यांचा मजूरपणा वाढला आहे.गरिबांच्या कामाला जाणीवपूर्वक टाळण्यात येते.असाच प्रकार मोताळा येथे समोर आला आहे.जागा मोजणीसाठी एक वर्षा अगोदर केलेल्या अर्जावर कारवाही न केल्याने वारंवार कार्यालयाचे उंबरठे झिजविणाऱ्या अभि भूमिलेख कार्यालयातील मोजणी अधिकाऱ्याने एका महिलेशी अरेरावी करीत नाहक त्रास दिला असून महिलेने त्या मोजणी अधिकाऱ्याची तक्रार राज्याचे मुख्यमंत्री देवेंद्र फडणवीस व जिल्हाधिकारी यांच्याकडे व्हिडीओ द्वारे केली आहे.

गलेलठ्ठ पगार असून,गोरगरिबांचे काम करण्यात अलीकडे अधिकारी व कर्मचारी उदासिन दिसून येतात. मोताळा तालुक्यातील भूमी अभिलेख अधिकारी कार्यालयात अशीच एक घटना घडली आहे. तालुक्याचे माजी अधिकारी जाधव हे सातत्याने रवींद्र किसन मोरे यांनी जागा मोजणीसाठी अर्ज केला होता. वर्षभरापासून मोजणी अधिकारी जाधव ‘तारीख पे तारीख’ देत असल्याने त्रस्त महिला व तिचा मुलगा रवींद्र मोरे यांनी जाधव यांना जाब विचारला असता, ‘तुम्हा जे करायचे ते करून घ्या..’ अशी उर्मट उत्तर देत कार्यालयाबाहेर हाकलून देत महिलेला अपमाणीत केले. याची तक्रार व्हिडीओ जिल्हाधिकारी व मुख्यमंत्री देवेंद्र फडणवीस यांच्याकडे केली आहे.आता त्या मोरे कुटुंबाला न्याय मिळेल का असा प्रश्न उपस्थित केला जात आहे.