देऊळगाव राजा (हॅलो बुलढाणा/ संतोष जाधव)मा. केंद्रीय निवडणूक आयोगाने महाराष्ट्र विधानसभा निवडणूक 2024 करिता निवडणूक कार्यक्रम घोषित केलेला असून दिनांक 15 ऑक्टोबर 2024 पासून आदर्श आचारसंहिता लागू करण्यात आलेली आहे. सदर निवडणुकीच्या अनुषंगाने आज दिनांक 22 ऑक्टोबर 2024 रोजी मा. जिल्हा निवडणूक अधिकारी तथा जिल्हाधिकारी श्री. डॉ. किरण पाटील यांनी 24 सिंदखेडराजा मतदार संघाला भेट दिली.
दि. 22 ऑक्टोंबर 2024 पासून निवडणूक अधिसूचना जारी झाली असून, आजपासून नामांकन अर्ज भरायला सुरुवात झाली आहे. मा. जिल्हा निवडणूक अधिकारी तथा जिल्हाधिकारी श्री.डॉ. किरण पाटील यांनी सिंदखेडराजा येथील तहसील कार्यालयामधील नामांकन अर्ज मिळणाऱ्या कक्षाला भेट देऊन पाहणी केली.
निवडणूक उमेदवारांचे अर्ज हे मा. निवडणूक निर्णय अधिकारी यांच्या तहसील कार्यालय येथील दालनामध्ये अर्ज स्वीकृती होणार आहे. अर्ज स्वीकृती साठी उमेदवारा सोबत फक्त 5 व्यक्तींनाच प्रवेश दिला जाणार आहे, आज दि. 22 ऑक्टोबर 2024 रोजी 24- सिंदखेडराजा मतदारसंघांसाठी 19 व्यक्तींनी एकूण 36 नामांकन अर्ज घेतले आहेत.
आजच्या या पाहणीवेळी मा. निवडणूक निर्णय अधिकारी तथा उपविभागीय अधिकारी प्रा. संजय खडसे, मा. सहाय्यक निवडणूक निर्णय अधिकारी तथा तहसीलदार सिंदखेडराजा श्री. अजित दिवटे, मा. सहाय्यक निवडणूक निर्णय अधिकारी तथा तहसीलदार देऊळगाव राजा वैशाली डोंगरजाळ, मा. गट विकास अधिकारी देऊळगाव राजा श्री. मुकेश माहोर,मा. मुख्याधिकारी नगरपरिषद सिंदखेड राजा श्री. प्रशांत व्हटकर, मा.निवडणुक नायब तहसीलदार सिंदखेड राजा श्री. मनोज सातव, मा. निवडणूक नायब तहसीलदार श्री. प्रवीण घोटकर, मा. नायब तहसीलदार सिंदखेडराजा अस्मा मुजावर, मा. नायब तहसीलदार सिंदखेडराजा श्री. प्रवीणकुमार वराडे, मा. नायब तहसीलदार देऊळगाव राजा सायली जाधव,मा. नायब तहसीलदार देऊळगाव राजा प्रांजल पवार, मा. नोडल अधिकारी प्रसारमाध्यम श्री. अंकुश म्हस्के,पडघान मॅडम इत्यादी उपस्थित होते.
