चिखली (हॅलो बुलढाणा/सैय्यद साहिल) ‘आम्ही भूमिहीन आहोत. शेती नाही; व्यवसायावर कुटुंबाचे पोट चालते. लहान भावाला कामाची फार गरज होती…’ चिखलीचे शिवसैनिक किरण दानवे यांनी व्यक्त केलेल्या या भावना एका कुटुंबासाठी रोजगाराचे महत्त्व अधोरेखित केले. भावाच्या कामासाठी मदत केल्याबद्दल त्यांनी आमदार श्वेता महाले पाटील आणि कपिल खेडेकर यांचे आभार मानले आहेत.
दानवे यांच्या म्हणण्यानुसार, उदयनगर प्राथमिक आरोग्य केंद्रात कंत्राटी पद्धतीने शिपाई नेमण्याच्या जागा निघाल्या होत्या. लहान भाऊ पवन याला या कामाची गरज असल्याचे त्यांनी कपिल खेडेकर यांच्या कानावर घातले. खेडेकर यांनी तातडीने आमदार महाले यांच्याकडे विनंती केली. त्यानंतर महाले यांनी मदत केल्याचे दानवे यांनी आपल्या आभार संदेशात म्हटले आहे.
‘मी शिवसैनिक आहे. कपिलदादांसोबत खांद्याला खांदा लावून काम करतो. तरीही ताईंनी पक्षभेद न मानता माझ्यासारख्या गरीब शिवसैनिकाला न्याय दिला,’ अशा शब्दांत त्यांनी कृतज्ञता व्यक्त केली.
या संदेशात राजकीय अभिनंदनाबरोबरच कुटुंबाच्या उदरनिर्वाहाची चिंता आणि मदतीबद्दलची आत्मीयता उमटते. भूमिहीन कुटुंबातील तरुणासाठी कामाची संधी किती मोलाची असते, हे दानवे यांच्या शब्दांतून जाणवते. त्यांनी महाले यांचा ‘विकास कन्या’ असा उल्लेख करत मनापासून धन्यवाद दिले आहेत.
राजकारणातील पक्षीय ओळखींपलीकडे गरजूच्या अडचणीला प्रतिसाद मिळाल्याची भावना त्यांच्या संदेशाचा केंद्रबिंदू ठरली आहे. ‘महायुतीचा विजय असो,’ असे म्हणत त्यांनी आपल्या आभार संदेशाचा समारोप केला.
Total Users : 3545424