बुलढाणा (हॅलो बुलढाणा) अद्याप मेहकर-लोणार विधानसभा मतदारसंघ महायुती सोडता महाआघाडीने व इतर पक्षांनी उमेदवार जाहीर केले नाहीत.परंतु युवासेना उबाठाचे उपजिल्हाप्रमुख प्रकाश डोंगरे व शेतकरी चळवळीच्या डॉ.ऋतुजाताई चव्हाण व डॉ. संतोष तायडे यांचा जोरदार प्रचार सुरू असल्याने शिवसेना शिंदे गटाचे आम.संजय रायमुलकर यांना आगामी विधानसभा निवडणूक जड जाणार असल्याची चिन्ह आहेत.परंतु निवडणुकीत तिघांपैकी कुणाचे पारडे जड राहणार ? येणारी वेळच ठरवणार आहे.
मेहकर विधानसभा मतदारसंघ राखीव आहे.या मतदार संघात आयात व निष्क्रिय उमेदवारांची गर्दी पाहता मनमिळाऊ स्वभाव असलेल्या व स्थानिक उमेदवार म्हणून निवडणूक लढण्यासाठी इच्छुक असलेल्या प्रकाश डोंगरे व डॉ तायडे यांना मतदारांची पसंती दिसून येत आहे. तर रविकांत तुपकर यांच्या कट्टर समर्थक असलेल्या डॉ.ऋतुजा ताई चव्हाण यांचा ही जोरदार प्रचार चालला आहे.
आमदार डॉ.संजय रायमुलकर यांच्या पंधरा वर्षातील विकास कामांवर दृष्टीक्षेप टाकला तर लोणार मेहकर या विस्तीर्ण भागातील अनेक प्रश्न जैसे थेच दिसून येत आहेत.शिवाय मेहकर विधानसभा निवडणूकित स्थानिक उमेदवार नसल्यास ही निवडणूक एकतर्फी होण्याची शक्यता वर्तवली जात आहे. परिणामी प्रकाश डोंगरे व ऋतुजाताई चव्हाण व डॉ संतोष तायडे यांचा सध्यातरी प्रचाराचा झंजावत पाहता आमदार संजय रायमुलकर यांना आगामी विधानसभा निवडणूक जड जाणार असल्याचे राजकीय वर्तुळात बोलल्या जात आहे. उद्धव बाळासाहेब ठाकरे यांनी प्रकाश डोंगरे किंवा डॉ संतोष तायडे यांना तिकीट दिल्यास हे आ.रायमुलकर यांना तगडी फाईट देऊन जिंकू शकतात असाही दावा केला जात आहे.
राजकीय घडामोडी
क्रमशः
