साखरखेर्डा (हॅलो बुलढाणा) आज गुणवत्ता यादीत मुलींचे प्रमाण मुलांपेक्षा जास्त आहे . कारण मुलींच्या अभ्यासात सातत्य आहे . हे स्पर्धेचे युग आहे जो शिकेल तो टिकेल . यासाठी विद्यार्थ्यांनी अभ्यासात सातत्य ठेवले पाहिजे असे प्रेरणादायी प्रतिपादन आमदार डॉ राजेंद्र शिंगणे यांनी गुणवंत विद्यार्थ्यांचा सत्कार करताना केले .
कार्यक्रमाच्या अध्यक्षस्थानी माजीमंत्री डॉ राजेंद्र शिंगणे हे होते . तर मठाचे मठाधिपती सिध्दलिंग शिवाचार्य महाराज , मठाधिपती सिध्दचैतन्य शिवाचार्य महाराज , कै . भास्करराव शिंगणे कला , नारायण गावंडे विज्ञान , आशालता गावंडे वानिज्य महाविद्यालयाचे प्राचार्य डॉ निलेश गावंडे , जिल्हा परिषदचे माजी उपाध्यक्ष राम जाधव , सरपंच सुमनताई जगताप , उपसरपंच सय्यद रफीक , माजी सरपंच पुनम महेंद्र पाटील , माजी सरपंच कमलाकर गवई , माजी सरपंच दाऊद कुरेशी , माजी सभापती तेजराव देशमुख , भोजराज गाडेकर , संजय गांधी निराधार योजनेचे सदस्य शुभम राजपूत , जिजामाता विद्यालयाचे सचिव पंजाबराव हाडे , आदर्श शिक्षक पुरस्कार प्राप्त व्ही टी पंचाळ , रमेश दंदाले , ग्रामसेवा सहकारी सोसायटीचे अध्यक्ष ललित अग्रवाल , आम्ही तेली जय संताजी संस्थापक अध्यक्ष ज्ञानेश्वर पोधाडे , मुख्यध्यापक रमेश ठोसरे , पिंपळगाव सोनाराचे सरपंच नितीन ठोसरे , पंढरीनाथ शेळके , माजी जिल्हा परिषद सदस्य शारदा दंदाले , केंद्रप्रमुख दिलीप खंडारे , मुख्यध्यापक कैलास ढोलेकर उपस्थित होते .
गुणवत्ता कशी टिकून राहील यासाठी टार्गेट ठरवून काम करा , आपले टार्गेट पुर्ण झाले पाहिजे . ते मग अभ्यासात असो की कामात असो . महात्मा ज्योतिबा फुले , भारतरत्न डॉ बाबासाहेब आंबेडकर यांनी शिक्षणाला महत्त्व दिले आहे . शिक्षणाशिवाय पर्याय नाही हे त्यांनी दाखवून दिले आहे . असेही विचार यावेळी डॉ राजेंद्र शिंगणे यांनी मांडले . यावेळी प्राचार्य डॉ निलेश गावंडे , सिध्दचैतन्य शिवाचार्य महाराज , रमेश दंदाले यांनी आपले विचार मांडले . यावेळी १० वी १२ वी , आय आय टी , वैद्यकीय क्षेत्रातील गुणवत्ता धारक विद्यार्थ्यांचा सत्कार माजीमंत्री डॉ राजेंद्र शिंगणे यांचे हस्ते करण्यात आला . कार्यक्रमाचे आयोजन विदर्भ न्याय व पत्रकार संघाच्या वतीने करण्यात आले होते . प्रास्ताविक संतोष गाडेकर यांनी तर कार्यक्रमाचे संचालन सुधाकर पऱ्हाड यांनी केले.