देऊळगांव राजा (हॅलो बुलढाणा /संतोष जाधव) तालुक्यातील देऊळगांव मही येथील रहवाशी आठ वर्षीय साई भगवान वाघ याला बालवयातचं किडनी आजाराने घेरले असून किडनीग्रस्त आजाराने तो चांगलाच त्रस्त आहे. साई या आजारातून बरा व्हावा म्हणून गेल्या अनेक महिन्यासापासून त्याचे आई वडील उपचारासाठी बऱ्याच हॉस्पिटलचे उंबरे पार करित छत्रपती संभाजीनगर सारख्या ठिकाणी त्याच्यावर उपचार करित आहे.परंतु विविध उपचारा दरम्यान साई ची एक किडनी निकामी झाली असल्याचे डॉक्टरांनी सांगितले.साईच्या पुढील उपचारासाठी येणारा खर्च हा साडेचार लक्ष रुपये इतका सांगितला आहे. मोलमजुरी करून आपल्या कुटुंबाचा कसाबसा गाडा चालविणारे भगवान वाघ यांच्यापुढे आर्थिक संकटाचा मोठा डोंगर उभा राहिला आहे.आशातच आपल्या पोटच्या मुलाला वाचविण्यासाठी त्याची धरपड सुरु झाली आहे.वाघ कुटूंबाला आर्थिक मदतीची अत्यंत गरज आहे.समाजात अनेक दानशूर व्यक्ती असून साई ला वाचविण्यासाठी आता त्याला आपल्या मदतीचा हाथ पुढे करण्याची वेळ आली आहे. कालपासून सोशल मीडियावर किडनीग्रस्त साई वाघ या चिमुकल्याला आर्थिक मदत करण्याचे आवाहन करण्यात आले.सर्व समाज घटकातील अनेकांनी त्याला फोन पे द्वारे मदत करणे सुरु केली आहे. परंतु हॉस्पिटलचा खर्चाचा आकडा पाहता त्याला आणखी आपली सुद्धा मदत अपेक्षित असल्यामुळे यासाठी आपण देखील मदतीचा हाथ पुढे करावा असे आवाहान सोशल मीडियाद्वारे भगवान वाघ यांनी केले आहे.
▪️साईचा स्टार किड्स हॉस्पिटल मध्ये उपचार सुरु
सध्यास्थित साई वर स्टार किड्स हॉस्पिटल छत्रपती संभाजीनगर येथे उपचार सुरु असून तो किडनीग्रस्त आजाराशी झुंज देत आहे. आपल्या आर्थिक मदतीने साई ला नक्कीच हे जग पाहता येऊ शकते यासाठी आपण क्यू आर कोडवर किंवा 7038233391 या फोन पे वर आपली मदत करू शकता.
