💥पॉलिटिक्स! आजींचा शायराना अंदाज..! ‘मतदान देणं लाईनीत येणं..वेड्या विचार करतो काय?शेळकेबाई उभी आहे रे मशालीले मत देऊन पाय!’

November 12, 2024

बुलढाणा (हॅलो बुलढाणा ) चेहऱ्यावर सुरकुत्या.. 80 पेक्षा जास्त वय पण सामाजिक जाणीव ठासून भरलेली..विशाल राजकीय दृष्टिकोन असलेली कणखर बाण्याची आणि शायरी,गाण्याचीआवड असलेल्या म्हातारीने जेव्हा शायरी अंदाजातून जनतेला जयश्रीताईंच्या विजयाची साद घातली तेव्हा सभोवताल जमलेल्या लाडक्या बहिणी टाळ्यांचा कडकडाट करताना भारावल्या!

झाले असे की,महाविकास आघाडीच्या उमेदवार जयश्रीताई शेळके प्रचार करीत होत्या. प्रचारादरम्यान एक आजी जयश्रीताईंच्या जवळ येऊन ठेपली.तिने जयश्री ताईंचे सेवाकार्य यावेळी अधोरेखित केले शिवाय आजीने शायराना अंदाजातून शब्दफुलांची ताईंवर उधळण केली.म्हातारी म्हणाली की,
‘चलती है गाडी उडती है धूल.. शेळकेबाई गुलाब का फुल’ या तारीफेकाबिल ओळींनी अनेकांची चेहरे फुलून गेले होते.
दरम्यान म्हातारीने दुसरी शब्द ओळ फेकली.
‘मतदान देणं लाईनीत येणं..वेड्या विचार करतो काय?शेळकेबाई उभी आहे रे मशालीले मत देऊन पाय!’ म्हणत जयश्रीताई शेळके यांना विजयी करण्याचे आवाहन केल्याने उपस्थित महिला कार्यकर्त्या व लाडक्या बहिणी भारावून गेल्या होत्या.गावोगावी प्रचार दौऱ्यानिमित्त जयश्रीताईंच्याबद्दलचा जिव्हाळा व्यक्त होत असल्याने त्यांच्या समर्थकांनी जयश्रीताईंचा विजय निश्चित असल्याचा दावा केला आहे.

Related Articles

💥’नदीपात्रातून वाळू रगडीता..!’ – जनतेत असंतोषाचे ढोल! – यंत्रणेने खडकपूर्णातील 12 बोटी स्फोटकांनी उडविल्या!

लोकप्रिय

💥’नदीपात्रातून वाळू रगडीता..!’ – जनतेत असंतोषाचे ढोल! – यंत्रणेने खडकपूर्णातील 12 बोटी स्फोटकांनी उडविल्या!

💥EXCLUSIVE! आ.सिद्धार्थ खरातांनी सभागृहात फिरवली अवैध धंद्याबाबत ‘चक्री!’ – अवैध धंद्यांना कुण्या ‘आका’चे बळ?