💥पॉलिटिक्स! जळगाव जामोद येथे भाजपा नेत्यांचा काँग्रेसमध्ये प्रवेश, आमदार संजय कुटेंना धक्का!

जळगाव जामोद (हॅलो बुलडाणा) येथील बारी समाजाचे दिवंगत ज्येष्ठ नेते श्रावण कपले गुरुजी यांचे पुत्र अनिल कपले व त्यांची पत्नी, भाजपा नगरसेविका सविता अनिल कपले यांनी भारतीय राष्ट्रीय काँग्रेसमध्ये जाहीर प्रवेश केला आहे. या प्रवेशामुळे भाजपाला मोठा धक्का बसला असून, जळगाव जामोदच्या राजकारणात एक मोठा बदल झाल्याचे दिसून येत आहे.

काँग्रेसने या प्रवेशाला मोठे महत्त्व दिले आहे, कारण कपले कुटुंबीयांचा बारी समाजात आणि स्थानिक राजकारणात प्रभाव आहे. या निर्णयामुळे आमदार संजय कुटे आणि भाजपाच्या स्थानिक संघटनांवर परिणाम होण्याची शक्यता आहे. काँग्रेसनेही या प्रवेशाचे जोरदार स्वागत केले असून, आगामी निवडणुकांमध्ये याचा प्रभाव दिसून येईल, असा विश्वास व्यक्त केला जात आहे.

कपले दाम्पत्याच्या या निर्णयामुळे भाजपाच्या गडाला धक्का बसला असून, काँग्रेसला बळकटी मिळणार असल्याचे जाणकारांचे म्हणणे आहे.