बुलढाणा (हॅलो बुलढाणा) डॉ.राजेंद्र शिंगणे यांनी कितीही रणनिती आखली अन् त्यांच्या विरोधकांसह मित्रपक्षही संभ्रमात पडले. त्यामुळे घड्याळीकडे पहावे की तुतारी वाजवावी? यासंदर्भात अनेक जण पडले आहे.
सिंदखेड राजा मतदारसंघात मध्ये माजी मंत्री राजेंद्र शिंगणेचा एकछत्री अंमल तीन दशकापासून कायम आहे. १९९५ मध्ये ते अपक्ष आमदार झाले. त्यानंतर राष्ट्रवादी कडून सलग निवडून आले. २०१४ च्या निवडणुकीत जिल्हा बँकेच्या मुद्यावरून ते लढले नाही. त्यामुळे आमदार झालेले शिवसेनेचे शशिकांत खेडेकर यांनी अनेक विकास कामे केली.मात्र २०१९ मध्ये शिंगणे परतले आणि पुन्हा आमदार झाले! यंदाची निवडणूक मात्र शिंगणे यांना कठीण जाणार असल्याचे दिसून येत आहे.फूट पडल्यावर ते शरद पवार यांच्यासोबतच राहतील असा अंदाज होता. मात्र जिल्हा बँकेला ३०० कोटींचे ‘सॉफ्ट लोन’च्या अटीवर ते अजितदादा गोटात गेले. त्यांना वारंवार उमेदवारी आणि मंत्री, पालकमंत्री करून मोठे करणाऱ्या शरद पवारांसह कार्यकर्त्यांसाठीही मोठा धक्का होता. मात्र शिंगणे,शरीराने अजितदादा आणि मनाने शरद पवारांसोबत अश्या द्विधा मनस्थितीत असल्याचे लोकसभेनंतर दिसून आले. कर्ज मिळाल्यावर जिल्हा बँकेतील सोहळा की वर्ध्या मधील समारंभ त्यांनी भाषणांतून शरद पवारांचे कौतुक केले, त्यांच्याप्रती कृतज्ञता व्यक्त केली. त्यांचे ‘साहेबां’बद्धलचे प्रेम आताशा जास्तच उफाळून आले आहे. विधानसभामुळे मतदारसंघातील राजकारण तापले. मात्र शिंगणे शरद पवार गटात परतण्याच्या चर्चेने राजकारण ढवळून निघाले. मध्यंतरी त्यांनी शरद पवारांची भेट घेतल्याचे वृत्त माध्यमात उमटले. मात्र त्यांनी वृत्ताचे खंडन वा समर्थनही केले नाही. स्वतः राजेंद्र शिंगणे घडयाळ की तुतारी यावर स्पष्ट बोलायला तयार नाही. यामुळे काँग्रेस, शरद पवार गट आणि ठाकरे गट हे विरोधकच काय भाजपा आणि शिवसेना शिंदे गट हे मित्रही चक्रावून गेले आहे. जिल्ह्यातील ७ पैकी ६ मतदारसंघाचे राजकीय चित्र स्पष्ट आहे. मात्र सिंदखेडराजात राजकीय अस्पष्टता, संभ्रम कायम आहे. भाजपचे नेते माजी आमदार तोताराम कायंदे, विनोद वाघ हे सुद्धा याला अपवाद नाही. शिंगणेचे पारंपरिक प्रतिस्पर्धी माजी आमदार शशिकांत खेडेकर ( शिंदे गट) यांची अवस्था अशीच बिकट आहे. शिंदे गटात गेल्याने ठाकरे गटात जाण्याचे त्यांचे मार्ग बंद झाले.शिंगणेंनी तुतारी घेतली तरच त्यांचा लढण्याचा मार्ग मोकळा होतो.दरम्यान
काका विरुद्ध पुतणी उभी ठाकली आहे.
शिगणेंच्या उच्च शिक्षित पुतणी गायत्री शिंगणे यांनी पवार गटात सामील होत काकांना आव्हान देण्याचे प्रयत्न केले.विकासावरून त्यांच्यावर टीकेची झोड उठविली, आंदोलने केली. त्यामुळे काका विरुद्ध पुतणी अशी लढत होण्याची चिन्हे तयार झाली आहे.पुतणी गायत्री यांना तिकीट मिळाली नाही तरी अपक्ष लढण्याची त्यांची तयारी आहे.
