💥 Exclusive ट्रॅव्हल्सवर दगड भिरकावला अन् … -काय होता प्लान ?

देऊळगाव राजा ( हॅलो बुलढाणा / संतोष जाधव) समृद्धी महामार्गावरून जाणाऱ्या एका ट्रॅव्हल्स वर अज्ञात इसमाने दगड भिरकावला असता चालकासह 3 जण जखमी झाल्याची घटना घडली.अज्ञात इसमाचा दगड भिरकावून मोठा अपघात घडविण्याचा व लुटीचा उद्देश होता की आणखी काही ? याबाबत पोलीस तपास करीत आहेत.

स्वर्गीय बाळासाहेब ठाकरे समृद्धी महामार्गावर
रात्री अकरा वा. दरम्यान चॅनल नंबर 307.1 जवळील देऊळगाव कोळ ते बीबी कडे जाणाऱ्या ओव्हर ब्रिज पुलावरून समृद्धि महामार्गने जाणारी ट्रॅव्हल्स क्रमांक एम एच 29 BE 6777 अज्ञात इसमांनी दगड मारला यामध्ये ट्रॅव्हलचा समोरील काच फुटून यामध्ये चालक रुपेश माधव रुडे रा. मांडवा ता डिग्रस व प्रवासी राजेंद्र राठोड वय 43 रा. महाळुंगी तालुका आर्णी जिल्हा यवतमाळ व अनिल गवई रा.सारंगपूर वाडी जिल्हा यवतमाळ हे किरकोळ जखमी झाले. चालक सहित दोन प्रवासी किरकोळ जखमी झाले. सदरची माहिती प्राप्त होताच तात्काळ महामार्ग पोलीस चे पोलीस उपनिरीक्षक जितेंद्र राऊत पोलीस हेड कॉन्स्टेबल विठ्ठल काळुसे, प्रवीण पोळ व महाराष्ट्र सुरक्षा बल चे जवान श्रावण घट्टे ,नागरे यांनी तात्काळ घटनास्थळ गाठून जखमींवर समृद्धी महामार्गावरील ॲम्बुलन्सचे डॉक्टर वैभव बोराडे यांनी उपचार केले तसेच पोलीस स्टेशन बीबी चे ठाणेदार संदीप पाटील ,पोलीस अमलदार अरुण सानप ,चव्हाण, भगवान नागरे व इतर स्टाफ नी सदरील पुलावर आजूबाजूला अज्ञात इसमाचा शोध घेतला असता सदर इसम हे मिळून आले नाही. सदर ट्रॅव्हलचालकांनी प्रसंगावधान दाखवत ट्रॅव्हल सुरक्षित ठिकाणी बाजूला घेतली. जर चालकाचे नियंत्रण सुटले असते तर मोठा अपघात घडून अनर्थ घडला असता.समृद्धी महामार्गावर महामार्ग पोलीस अधीक्षक नागपूर, श्री यशवंत सोळंके यांच्या आदेशाने पोलीस चे दोन वाहने सतत नाईट पेट्रोलिंग करीत असतात. पोलिसाची नजर चुकून सदर घटना घडत आहेत. त्यामुळे पोलिसांनी सतर्क राहायला हवे अशी मागणी होत आहे.