💥भली बातमी! ‘भल्या माणसाने’ आनंदग्राम आश्रमात फुलविला ‘हर्ष!’ – सद्भावना पदयात्रेत ‘माणुसकीला स्पर्श!’

बुलढाणा (हॅलो बुलडाणा) पक्ष नेते म्हणा किंवा मंत्री संत्री यांचा दौरा असो की पदयात्रा किंवा सभा त्यांची आधी सोय पंचतारांकित हॉटेल्स सारख्या हायटेक सुविधायुक्त ठिकाणी केली जाते.किंवा हेच नेते करायला भाग पाडतात.मात्र काही पक्षनेते याला अपवाद ठरतात.काल याचा प्रत्यय आला.काँग्रेसच्या सद्भावना पदयात्रा दरम्यान काँग्रेस प्रदेशअध्यक्ष हर्षवर्धन सपकाळ या संवेदनशील नेतृत्वाने आनंदग्राम येथे मुक्काम ठोकून आपल्या साधेपणाचा परिचय देत आश्रमात ‘हर्ष’ फुलवित माणुसकीला ‘स्पर्श’ केलाय!

काँग्रेसचे नेते राहुल गांधी यांच्या सूचनेवरून महाराष्ट्र प्रदेश काँग्रेसच्या अध्यक्षपदी हर्षवर्धन सपकाळ यांची नियुक्ती झाली, तेव्हा अनेकांसाठी हे नाव नवखे होते. मात्र, साधेपणा आणि जनसामान्यांशी असलेली नाळ हेच त्यांचे खरे ओळखचिन्ह असल्याचे दिसून येत आहे. सामाजिक सलोखा व महाराष्ट्र धर्म जागवण्यासाठी मस्साजोग ते बीड दरम्यान काँग्रेसची सद्भावना पदयात्रा निघालेली आहे. या पदयात्रेदरम्यान
हर्षवर्धन सपकाळ यांनी आनंदग्राम मध्ये मुक्काम करण्याचा निर्णय घेतला.आजही अनेक लोक आनंदग्रामकडे येताना नाक दाबून येतात. येथे आल्यावर काही जण पाणीही पित नाहीत.पण हर्षवर्धन सपकाळ यांनी आश्रमातील भाकर-ठेचा आणि बेसन आनंदाने स्वीकारले. तसेच येथे असलेल्या परिवारातील अवघ्या ६ दिवसाची पाहुणी ‘सावित्रीला’ पण प्रेमाने जवळ घेतले. लाईटच्या ये-जा असलेल्या परिस्थितीतही त्यांनी आश्रम संचालकाकडे कुठलाही विशेष आग्रह धरला नाही.यावेळी खासदार रजनी ताई पाटील, अशोक दादा, जिल्हा काँग्रेस कमिटी अध्यक्ष राहुल दादा सोनावणे पाटील, दादासाहेब मुंडे, राख साहेब व काँग्रेस चे इतर मान्यवर कार्यकर्ते उपस्थित होते.