💥वाढदिवस SPECIAL! ‘संजू’भाऊ हॅपी बर्थडे!

बुलडाणा (हॅलो बुलडाणा) जिल्ह्याच्या राजकारणात गेल्या दोन दशकांपेक्षाही जास्त आपली वेगळी ओळख निर्माण करणारे भाजप नेते आणि आमदार डॉ. संजय कुटे यांचा आज वाढदिवस! 9 मार्च 1969 रोजी जळगाव-जामोद येथे जन्मलेल्या डॉ. कुटेंनी केवळ राजकारणातच नव्हे, तर समाजकारणातही भरीव योगदान दिले आहे.भाऊसाहेब फुंडकर यांच्या मार्गदर्शनाखाली त्यांनी राजकीय जीवनास सुरुवात केली. 2004 पासून जळगाव-जामोद विधानसभा मतदारसंघाचे नेतृत्व करताना त्यांनी सातत्याने जनसेवेचा ध्यास घेतला. पक्ष संघटनेतही त्यांनी विविध जबाबदाऱ्या सांभाळल्या असून, भाजपचे जिल्हाध्यक्ष, राज्य सरचिटणीस, उपाध्यक्ष यासह अनेक महत्त्वाची पदे त्यांनी भूषवली आहेत.

2014 मध्ये महाराष्ट्रात भाजप-शिवसेना युतीचे सरकार स्थापन झाल्यानंतर संजय कुटे यांना कामगार कल्याण मंत्री आणि बुलडाण्याचे पालकमंत्री म्हणून जबाबदारी मिळाली. त्यानंतर त्यांनी आपल्या कार्यकुशलतेने विकासकामांना गती दिली. विशेषतः कृषी, रोजगार, पाणीटंचाई निवारण, शिक्षण आणि आरोग्य क्षेत्रात त्यांनी उल्लेखनीय कामगिरी केली.मुख्यमंत्री देवेंद्र फडणवीस यांचे अत्यंत विश्वासू सहकारी म्हणून संजय कुटे ओळखले जातात. पक्षाने त्यांच्यावर वेळोवेळी महत्त्वपूर्ण जबाबदाऱ्या दिल्या आणि त्यांनी त्या योग्यरीत्या पार पाडल्या.

लोकनेते म्हणून घडलेल्या आ.डॉ.संजय कुटेंना वाढदिवसानिमित्त शहरवासीय आणि कार्यकर्त्यांकडून शुभेच्छांचा वर्षाव होत आहे. त्यांच्या पुढील वाटचालीसाठी टीम ‘हॅलो बुलडाणा’कडून हार्दिक शुभेच्छा! म्हणूनच संजूभाऊ हॅपी बर्थडे!