बुलढाणा (हॅलो बुलढाणा) महाराष्ट्र राज्याचे मुख्यमंत्री एकनाथराव शिंदे १९ सप्टेंबर रोजी बुलढाणा शहराच्या दौऱ्यावर येत आहेत.दरम्यान हिंदवी स्वराज्य संस्थापक छत्रपती श्री शिवाजी महाराज यांच्या स्मारकासह इतर २७ महापुरुषांच्या पुतळ्यांचा लोकार्पण सोहळा त्यांच्या हस्ते संपन्न होत आहे. या अनुषंगाने आज ८ सप्टेंबर २०२४ रोजी शिवसेना आमदार तथा शिवसेना जिल्हा संपर्कप्रमुख संजय गायकवाड यांच्या मार्गदर्शनाखाली शहरातील ओंकार लॉन्स येथे नियोजन बैठक पार पडली.
या नियोजन बैठकीत जिल्ह्यातील तसेच तालुक्यातील सर्व शिवसेना,युवासेना, महिला आघाडी, किसानसेना,अल्पसंख्यांक सेना तसेच इतर सर्व सलग्नित संघटनेच्या पदाधिकाऱ्यांचा तसेच शिवसैनिकांचा भव्य मेळावा पार पडला.यावेळी व्यासपीठावर महाराष्ट्र राज्य युवासेना कार्यकारणी सदस्य युवानेते मृत्युंजय संजय गायकवाड,धर्मवीर युथ फाऊंडेशन अध्यक्ष पृथ्वीराज संजय गायकवाड यांच्यासह शिवसेना,युवासेना,किसानसेना,अल्पसंख्यांकसेनेचे,जिल्हाप्रमुख,उपजिल्हाप्रमुख तालुकाप्रमुख उप तालुकाप्रमुख तसेच त्याठिकाणी शिवसैनिक तसेच पदाधिकारी मोठ्या संख्येने उपस्थित होते.
