अंढेरा (हॅलो बुलडाणा) येथील शेतकरी गजानन तेजनकर यांना राजर्षी शाहू मल्टीस्टेट को ऑप क्रेडिट सोसायटीच्या माध्यमातून युनाइटेड इंडिया इन्शुरन्स कंपनीकडून पशुधन विम्याच्या दाव्याचा ४९ हजार रुपयांचा लाभ मिळाला आहे.
राजर्षी शाहू मल्टीस्टेटचे संस्थापक अध्यक्ष संदीपदादा शेळके, संस्थाध्यक्षा मालतीताई शेळके, सरव्यवस्थाक दिलीप चव्हाण यांच्या संकल्पनेतुन अंढेरा शाखेतून शेतकऱ्यांना दुग्ध व्यवसायसाठी कर्ज वाटप करण्यात आले आहे. दरम्यान अंढेरा येथील दुग्ध व्यावसायिक शेतकरी गजानन तेजनकर यांची गाय आजाराने दगावली. त्यांनी युनाइटेड इंडिया इन्शुरन्स कंपनीकडून गायीचा विमा काढलेला होता. त्यामुळे जनावराच्या दाव्याची ४९ हजार रुपयांची रक्क्म मंजूर झाली. राजर्षी शाहू मल्टीस्टेटचे मेहकर विभागाचे विभागीय व्यवस्थापक गोविंद येवले,अंढेरा शाखेचे व्यवस्थापक समाधान तेजनकर यांच्या हस्ते शेतकऱ्यास धनादेश प्रदान करण्यात आला. यावेळी कर्मचारी व ग्रामस्थ उपस्थित होते.
