जानेफळ (हॅलो बुलढाणा /अनिल राठोड) मेहकर तालुक्यातील पारडी येथील माजी सैनिक ताराचंद सवाई राठोड यांचे गुरुवार, ५ नोव्हेंबर २०२६ रोजी अल्पशा आजाराने निधन झाले. ते ६० वर्षांचे होते. त्यांच्या निधनाने राठोड कुटुंबावर दुःखाचा डोंगर कोसळला असून पारडी गावासह परिसरात हळहळ व्यक्त होत आहे.
सैन्यात असताना राठोड यांनी देशसेवेचे कर्तव्य निष्ठेने बजावले. सेवानिवृत्तीनंतर पारडीत परतल्यावरही त्यांनी समाजाशी असलेली नाळ जपली. गावातील सामाजिक कामांत ते नेहमी पुढाकार घेत. सैन्यातील कर्तव्यनिष्ठा आणि गावातील सामाजिक कामांमधला सक्रिय सहभाग, अशी त्यांची दुहेरी ओळख होती. त्यांच्या निधनाने पारडीने देशाची सेवा केलेला जवान आणि गावच्या कामात पुढे असणारा एक ग्रामस्थ गमावला आहे.
राठोड यांच्या पश्चात पत्नी, दोन मुले, एक मुलगी, सून आणि नातवंडे असा परिवार आहे. सैन्यदलातील त्यांच्या सेवेसोबतच निवृत्तीनंतर गावातील उपक्रमांमध्ये त्यांनी दिलेल्या योगदानाचीही त्यांच्या निधनानंतर आठवण होत आहे.
पारडीत १७ नोव्हेंबरला तेरावे
स्वर्गीय ताराचंद राठोड यांचा तेराव्याचा विधी मंगळवार, १७ नोव्हेंबर २०२६ रोजी मेहकर तालुक्यातील मौजे पारडी येथे होणार आहे. राठोड यांच्या राहत्या घरी हा उत्तरकार्याचा कार्यक्रम आयोजित करण्यात आला आहे
Total Users : 3725512