💥EXCLUSIVE! ‘जब तक जिंदा हूँ, काँग्रेस का परिंदा हूँ’ – सानंदा यांची स्पष्ट भूमिका!

खामगाव (हॅलो बुलडाणा) मा.आ.काँग्रेस नेते दिलीपकुमार सानंदा यांच्या उपमुख्यमंत्री एकनाथ शिंदे यांच्यासोबतच्या भेटीमुळे राजकीय वर्तुळात चर्चांना उधाण आले. मात्र, या भेटीला राजकीय रंग देण्याचा प्रयत्न फोल ठरवत सानंदा यांनी काँग्रेसविषयी आपली निष्ठा ठाम असल्याचे स्पष्ट केले आहे.

पत्रकारांशी बोलताना सानंदा म्हणाले, “एकनाथ शिंदे माझे मित्र आहेत. भेटलो, पण केवळ खामगाव मतदारसंघातील विकासावर चर्चा झाली. कुठलाही राजकीय सौदा किंवा पक्षांतराचा विचार नाही.” तसेच, ते पुढे म्हणाले, “मी मुकुल वासनिक साहेबांचा कार्यकर्ता आहे. त्यांनी काँग्रेस सोडली, तरच मी विचार करेन. पण वासनिक साहेब काँग्रेस सोडणे शक्य नाही, त्यामुळे मीही काँग्रेसमध्येच राहणार.”यानंतर त्यांच्या एका वाक्याने राजकीय चर्चांना पूर्णविराम मिळाला – “जब तक जिंदा हूँ, काँग्रेस का परिंदा हूँ!” सानंदा यांच्या या वक्तव्यामुळे त्यांच्या राजकीय भूमिकेवरून सुरू असलेल्या चर्चांना पूर्णविराम मिळाला आहे.