💥आरोप! केंद्रीय मंत्री जाधवांवर रविकांत तूपकरांनी डागली आरोपांची तोफ! म्हणाले…पदाचा दुरुपयोग करून जिल्ह्यात दहशत पसरविण्याचा प्रयत्न! – बारा भानगडी बाहेर काढणार! – मंत्रिमंडळातून तडीपार करण्यासाठी पंतप्रधान मोंदींच्या निवासस्थानी उपोषणाचा इशारा!

बुलढाणा (हॅलो बुलडाणा) केंद्रीय आयुष मंत्री प्रतापराव जाधव यांनी क्रांतिकारी शेतकरी संघटनेचे जिल्हाध्यक्ष डॉ. ज्ञानेश्वर टाले यांना तडीपार करण्याचा कट रचला.मी मेहकर मतदार संघात लोकसभा लढवून त्यांच्या बरोबरीत मते घेतल्याचा हा राग असून एसडिओ जोगींवर दबाव टाकत डॉ.टाले यांना तडीपार करण्यात आले आणि या तडीपारी नंतर जाधवांनी आसुरी आनंद घेत पार्टी साजरी केली. जाधव यांना जिल्ह्यात दहशत पसरवायची आहे. परंतु आम्ही घाबरणार नाही. खासदारकीचा व केंद्रीय मंत्री पदाचा कसा दुरुपयोग केला आणि कशा बारा भानगडी केल्या? त्या आता मी बाहेर काढणार आहे.शिवाय योग्य वेळी जाधवांमुळे पिडीत असलेल्या अन्यायग्रस्तांना व शेतकऱ्यांना घेऊन पंतप्रधान नरेंद्र मोदींच्या निवासस्थानी उपोषण करून त्यांना मंत्रिमंडळातून तडीपार करण्याची मागणी रेटणार असल्याचे शेतकरी नेते रविकांत तुपकर यांनी आज पत्रकार परिषदेत स्पष्ट केले आहे.

केंद्रीय मंत्री प्रतापराव जाधव यांनी अनेकांना खोट्या गुन्ह्यात अडकविले आहे. जाधवांच्या दबावाखाली काही अधिकारी कारवाई करतात. अधिकाऱ्यांनाही काही वाटत नाही.ते देखील जाधवांचे चमचे म्हणून काम करतात त्यांचे ही बिऱ्हाड बाहेर काढण्यात येईल असे सांगत तुपकर म्हणाले की, जाधवांना एसपी. एसडीओ,कलेक्टर यांचा चार्ज दिला पाहिजे कारण तेच कारभार चालवतात. सर्वसामान्यांना न्याय मिळत नाही.जाधवांच्या दबावाखाली अशीच कारवाई होत राहिली तर राज्याच्या गृहमंत्र्यांना आणि सरकारला बदनाम करण्याचा प्रकार म्हणावा लागेल. मेहकर मध्ये त्यांना नवं नेतृत्व नको आहे.कारण त्यांना त्यांच्या मुलाचे राजकीय भविष्य घडवायचे आहे.त्यांनी शिवसैनिकांना मोठे करायला पाहिजे त्यांना स्टॅन्ड करायला पाहिजे पण त्यांनी घरातली मंडळीच मोठी करणे लावली आहे. हजारो कोटींची माया गोळा केली.केंद्रीय मंत्री झाले म्हणून त्यांनी शेतकरी व नागरिकांची कामे केली पाहिजे मात्र त्यांची दादागिरी आणि दहशत जिल्ह्यात दिसून येत आहे.’तुम्ही असे केले तर मी असे करतो’हे त्यांना दाखवून द्यायचे आहे परंतु आम्ही घाबरणारे नाही जनतेने सुद्धा घाबरू नये!पुढच्या काळात तर मला मारून टाकायचा आणि माझ्या शिलेदारांना आयुष्यातून उठवायचे, असे षडयंत्र जाधवांचे आहे.परंतु माझ्या व डॉ. टाले किंवा माझ्या शिलेदारांच्या कुटुंबाला धक्का जरी लागला तर जाधव हे जबाबदार राहतील असेही तूपकरांनी पत्र परिषदेत स्पष्ट केले.डॉ. टाले यांच्या तडीपरीला 27 तारखेपर्यंत स्थगिती मिळाली आहे.27 मार्चला आयुक्तांकडे याप्रकरणी सुनावणी आहे त्यात जो निर्णय होईल तो मान्य राहील असेही रविकांत तुपकर म्हणाले.