💥उलट तपासणी! ‘आमदार साहेब जागो!’ शिवसेना शहर प्रमुखांना जबाबदारी देण्यात आलेल्या बुथवर आ. गायकवाड यांना दोन अंकी मतदान!

बुलढाणा (हॅलो बुलडाणा) निष्ठावंत शहरप्रमुख गजेंद्र दांदडे यांच्या काही वॉर्डांमध्ये  लाखोंचा निधी देऊनही त्यांच्यावर सोपविण्यात आलेली बुथनीहाय जबाबदारी पार पाडत असताना, आमदार संजय गायकवाड यांना केवळ दोन अंकी मतदान प्राप्त झाल्याने काही शिवसैनिक व जनतेत शहर प्रमुखांविरुद्ध नाराजीचा सूर उमटत असून, मोहन पऱ्हाड यांना नवे शिवसेना शहर प्रमुख करण्याची मागणी जोर धरू लागली आहे.

आमदार संजय गायकवाड यांचा 841 मतांनी म्हणजे निसटता विजय झाला.खरे तर आमदार गायकवाड यांची विकास कामे आणि संघर्ष पाहता त्यांना बुलढाण्यातून लीड मिळायला हवा होता.परंतु त्यांनी अटीतटीच्या लढतीत विजय खेचून आणला. त्यांचा विजय झाला असला तरी त्यांना अत्यल्प मतं मिळण्याची काही कारणे आहेत त्यापैकी एक म्हणजे आमदार गायकवाड यांचे निकटवर्तीय व निष्ठावंत समजल्या जाणारे शिवसेना शहरप्रमुख गजेंद्र दांदडे ! भारगोस मतदान व्हावे आणि शिवसेनेचा भगवा दुसऱ्यांदा फडकावा यासाठी आमदार संजय गायकवाड यांनी आपल्या निष्ठावंत कार्यकर्त्यांना बुथनिहाय जबाबदारी सोपविली होती. परंतु बुलढाणा शहरातील जबाबदारी ही गजेंद्र दांदडे यांना
देण्यात आली होती. बुथ क्रमांक 172 ते 177 यावर गजेंद्र दांदडे लक्ष ठेवून होते.परंतु या बुथवर आमदार संजय गायकवाड यांना दोन अंकीच मतदान तर त्यांचे प्रतिस्पर्धी जयश्रीताई शेळके यांना यापेक्षा अधिक म्हणजे तीन अंकी मतदान मिळाल्याची माहिती आहे. त्यामुळे काही शिवसैनिक व जनतेमध्ये नाराजीचा सूर असून हा शिवसेना शहर प्रमुख हटवून नव्या दमाचा शिवसेना शहर प्रमुख म्हणून मोहन पऱ्हाड यांना नियुक्त करण्यात यावे अश्या चर्चेला शहरात उधान आले आहे