साखरखेर्डा (हॅलो बुलढाणा /दर्शन गवई) मातृतीर्थ सिंदखेडराजा विधानसभा मतदारसंघात दिवसेंदिवस अनेक घडामोडी होत असून माजीमंत्री डॉ राजेंद्र शिंगणे यांच्या भूमिकेमुळे अनेक नेते वेट अँड वॉचच्या प्रतिक्षेत आहेत. तर दुसरीकडे गायत्री शिंगणे तुतारीचा रथ सजवून गावोगावी मीच उमेदवार असल्याचे सांगून मतदाराच्या भेटीगाठीचा सिलसिला सुरू केला आहे .तर डॉ राजेंद्र शिंगणे यांनी शरदचंद्र पवार राष्ट्रवादी काँग्रेस पक्षात प्रवेश केला तर शिंदे शिवसेना गटाकडून माजी आमदार डॉ शशिकांत खेडेकर आणि भाजपाकडून तोताराम कायंदे, विनोद वाघ , आणि डॉ . सुनील कायंदे यांच्याकडून प्रबळ दावेदारी सांगितली जात आहे.
बुलढाणा जिल्ह्यातील सात मतदार संघापैकी सहा मतदार संघात महायुतीचे उमेदवार कोण असतील हे जवळजवळ ठरले आहेत . परंतू सिंदखेडराजा मतदार संघात नेमका महायुतीचा उमेदवार कोण हे अद्याप स्पष्ट झाले नसले तरी महायुतीचा उमेदवार म्हणून शिंदे शिवसेना गटाचे माजी आमदार डॉ शशिकांत खेडेकर , योगेश जाधव भाजपाला सुटला तर डॉ . सुनील कायंदे , भाजपाचे पक्ष प्रवक्ते विनोद वाघ , माजी आमदार तोताराम कायंदे यांचे नाव चर्चेत आहे . माजी आमदार तोताराम कायंदे यांना शरदचंद्र पवार राष्ट्रवादी काँग्रेस पक्षाकडून निवडणूक लढण्याची ऑफर दिल्याचे समजते . त्यानुसार त्यांनी पवार साहेबांची भेट सुध्दा घेतली होती . परंतू डॉ राजेंद्र शिंगणे हे परत शरदचंद्र पवार राष्ट्रवादी काँग्रेस पक्षात प्रवेश करणार असल्याची बातमी मतदार संघात येऊन धडकताच अनेक खळबळ उडाली आहे . विनोद वाघ हे तीनवेळा जिल्हा परिषद सदस्य म्हणून निवडून आले आहेत . देवेंद्र फडणवीस यांच्यासोबत त्यांचे वैयक्तिक घनिष्ठ संबंध आहे . त्यामुळे त्यांच्यावर प्रदेश भाजपा पक्ष प्रवक्ते पदांची जबाबदारी टाकली आहे . युवकांचे नेते म्हणून ते काम पाहात आहेत . तर डॉ सुनील कायंदे यांचे भाजपा नेत्या पंकजाताई मुंढे यांचे कार्यकर्ते म्हणून ओळखले जाते . पंकजाताई मुंढे यांचे आणि सुनील कायंदे यांचे घनिष्ठ संबंध आहे . तर तोताराम कायंदे हे मतदार संघातील सर्व पक्षीय नेते आहेत . आजही त्यांचा घराघरात संबंध राहिला आहे . दोन वेळा आमदार राहून त्यांची प्रतिमा स्वच्छ आहे . एक शिक्षण महर्षी म्हणून त्यांना ओळखले जाते . तर डॉ शशिकांत खेडेकर मागील २०१४ ते २०१९ या पाच वर्षांत त्यांनी केलेल्या विकास कामांसाठी विकास पुरुष , जलसंधारणची कामे केल्याने जल पुरुष म्हणून ओळखले जाते . मागील पाच वर्षात आमदार नसताना त्यांनी अनेक विकासाची कामे सुरुच ठेवली . त्यामुळे या मतदार संघात एक नव्हे तर दोन आमदार काम करताना दिसतात . ही या मतदार संघासाठी जमेची बाजू आहे . परंतू सत्ता असताना या मतदार संघात एकही नविन मोठा प्रकल्प उभा राहिला नाही . जे बंद आहेत ते प्रकल्प सुरू झाले नाहीत . बंद पडलेली प्रकल्प सुरू करण्यासाठी आणि माझे आजोबा सहकार महर्षी स्व भास्करराव शिंगणे यांच्या स्वप्नातील मतदार संघ घडविण्यासाठी माझी मी निवडणूक लढणार आहे . असा प्रचार त्यांनी सुरू केला आहे . डॉ राजेंद्र शिंगणे यांनी जर शरदचंद्र पवार राष्ट्रवादी काँग्रेस पक्षात प्रवेश केला तर अपक्ष उमेदवार म्हणून निवडणूक लढणार असल्याचे त्यांनी अनेकांना सांगितले आहे . गायत्री शिंगणे यांना थांबविले जाईल . त्यासाठी डॉ राजेंद्र शिंगणे यांनी त्यांचे राजकीय कॅरियर घडविण्यासाठी शब्द द्यावा असाही सुरु उमटत आहे . वंचित बहूजन आघाडीच्या सविता मुंढे यांचाही प्रचार आचारसंहिता लागू होण्यापूर्वी सुरू झाला आहे . संभाव्य उमेदवार म्हणून नरेश बोडखे , सविता मुंढे , गायत्रीताई गणेश शिंगणे यांचे बॅनर गावागावात पाहायला मिळत आहे .
पडद्या मागे अनेक हालचाली वेगात सुरु आहे . उमेदवारी मिळविण्यासाठी शरदचंद्र पवार राष्ट्रवादी काँग्रेस पक्षाकडे सर्वाधिक उमेदवार उमेदवारी मिळविण्यासाठी गर्दी आहे . तर अजित पवार गटाकडे एकानेही उमेदवार मिळावी म्हणून साधा अर्जही केला नसल्याचे समजते . जर डॉ राजेंद्र शिंगणे यांनी पवार साहेब यांच्या नेतृत्वाखाली प्रवेश केला तर भाजपा या मतदार संघात प्रबळ दावेदार म्हणून समोर येत आहे . शिंदे शिवसेना गटाकडून माजी आमदार डॉ शशिकांत खेडेकर हे एकमेव नाव आघाडीवर आहे . तर शिंदे यांच्या गटातील दुसरा उमेदवार ६ ला राष्ट्रवादी काँग्रेस शरदचंद्र पवार यांच्याकडे मुलाखती साठी गेल्याचे समजते . तो नेमका कोण याची चर्चा मतदार संघात सुरु आहे .
