💥EXCLUSIVE ‘हॅलो बुलडाणा’चा जबरदस्त दणका! ‘हम ने कहा था न’- सत्य परेशान हो सकता है, पराजित नही! डोंगरखंडाळा जमीन प्रकरणात मोठा स्फोट; मुख्यमंत्री सचिवालयाची थेट कडक दखल – कोणीही असो,कारवाईत सुट नाही!

December 31, 2025

बुलढाणा (हॅलो बुलडाणा) जिल्ह्यात गाजत असलेले डोंगरखंडाळा येथील गट नंबर 175 मधील 11.31 आर सामायिक शेतीवरून पेटलेले जमीन प्रकरण आता थेट मंत्रालयापर्यंत पोहोचले असून, ‘हॅलो बुलडाणा’ने उघड केलेल्या गंभीर आरोपांमुळे प्रशासनात खळबळ उडाली आहे. या प्रकरणात पुणे येथील उपजिल्हाधिकारी व मंत्रालयातील ओ.एस.डी.सिद्धार्थ भंडारे यांच्यावर पदाचा दुरुपयोग केल्याचा थेट आणि गंभीर आरोप करण्यात आला आहे.पीडित व तक्रारदार राहुल मिनानाथ तारे यांनी मुख्यमंत्री सचिवालय आणि महसूलमंत्री चंद्रशेखर बावनकुळे यांच्याकडे धाव घेतल्यानंतर अखेर मुख्यमंत्री सचिवालयाने या प्रकरणाची कडक दखल घेत संबंधित विभागाला तात्काळ चौकशीचे आदेश दिले आहेत.राहुल तारे यांनी तक्रारीत नमूद केले आहे की, सदर जमीन अनेक दशकांपासून त्यांच्या कुटुंबाच्या ताब्यात असून दिवंगत वडील मिनानाथ तारे हे आणीबाणी काळातील लोकतंत्र सेनानी होते. जमीन आजही सामायिक असून सर्व वारसांची नोंद सातबारावर झालेली नाही. इतकेच नव्हे, तर ही जमीन ग्रामसेवा सहकारी सोसायटीकडे तारण असून, याच जमिनीबाबत न्यायालयात लिज पेंडन्सी क्रमांक 4339/2023 दाखल असून प्रकरण न्यायप्रविष्ट आहे.

असे असताना, प्रतिवादी असलेले ओ.एस.डी. तथा उपजिल्हाधिकारी सिद्धार्थ भंडारे यांनी कथितपणे काही अधिकाऱ्यांशी संगनमत करून छत्रपती संभाजीनगर येथील मावसभाऊ महेंद्र राऊत यांच्या नावावर बेकायदेशीर खरेदीदस्त तयार करून नोंदणी घडवून आणल्याचा आरोप करण्यात आला आहे.हरकती नोंदवूनही मंडळ अधिकाऱ्यांनी नियमबाह्य फेरफार केल्याचा धक्कादायक दावाही तक्रारीत करण्यात आला आहे.

हा प्रकार सरळसरळ पदाचा दुरुपयोग, संगनमत आणि जमीन बळकावण्याचा गंभीर प्रकार असल्याचा आरोप करत संबंधित सर्व अधिकाऱ्यांवर कठोर कायदेशीर कारवाईची मागणी करण्यात आली आहे. बेकायदेशीर खरेदीदस्त, फेरफार व सातबाराची नोंद तत्काळ रद्द करावी,अशी ठाम मागणी तारे यांनी केली असून, आता मुख्यमंत्री सचिवालयाच्या आदेशानंतर या प्रकरणात मोठी कारवाई होणार का, याकडे संपूर्ण जिल्ह्याचे लक्ष लागले आहे.

‘हॅलो बुलढाणा’ने सातत्याने केलेल्या पाठपुराव्यानंतर अखेर मुख्यमंत्री सचिवालयाने या गंभीर प्रकरणाची प्रशासकीय दखल घेत संबंधित विभागाला तात्काळ चौकशीचे आदेश दिले आहेत. यामुळे महसूल प्रशासनात एकच खळबळ उडाली आहे.

क्रमशः

Related Articles

धाड पोलिसांची मोठी कारवाई; अवैध दारू विक्रेत्यावर तडीपारची गाज!

काळाचा क्रूर घाला! कन्यादान करतानाच वडिलांचा मृत्यू; लग्नमंडपात आनंदावर शोककळा!

लाचखोरांना रंगेहात पकडले!

लोकप्रिय

धाड पोलिसांची मोठी कारवाई; अवैध दारू विक्रेत्यावर तडीपारची गाज!

काळाचा क्रूर घाला! कन्यादान करतानाच वडिलांचा मृत्यू; लग्नमंडपात आनंदावर शोककळा!

लाचखोरांना रंगेहात पकडले!

देऊळगावराजाहून नशेचा काळाबाजार! ‘हॅलो बुलढाणा’चा मोठा खुलासा; मुख्य सूत्रधारासह तिघे गजाआड

BREAKING चिखलीत दहशत! १७-१८ नागरिकांना चावणारा कुत्रा अखेर जेरबंद

वाचक संख्या