पुणे/ बारामती (हॅलो बुलडाणा) राज्याच्या राजकीय वर्तुळातून एक अत्यंत धक्कादायक आणि दुर्दैवी बातमी समोर आली आहे. उपमुख्यमंत्री अजित पवार यांचे विमान अपघातात निधन झाले असून, या भीषण घटनेमुळे संपूर्ण महाराष्ट्रावर शोककळा पसरली आहे. जिल्हा परिषद निवडणुकीच्या प्रचारासाठी बारामती दौऱ्यावर असताना लँडिंग दरम्यान ही दुर्घटना घडली.
नेमकी घटना काय?
अजित पवार आज सकाळी मुंबईहून विशेष विमानाने बारामतीकडे रवाना झाले होते. बारामतीमध्ये विमानाचे लँडिंग होत असताना अचानक तांत्रिक बिघाड झाल्याने विमान एका शेतात कोसळले. ही दुर्घटना इतकी भीषण होती की विमानाचा चक्काचूर झाला आहे.
मोठी जीवितहानी
या अपघाताबाबत दोन वेगवेगळ्या माहिती समोर येत आहेत DGCA च्या माहितीनुसार: या अपघातात एकूण ६ प्रवाशांचा मृत्यू झाला आहे. PTI च्या माहितीनुसार: अजित पवारांसह ३ जणांचा मृत्यू झाल्याची प्राथमिक माहिती समोर आली आहे.
