औषधी अन् किराणा घशात घालणाऱ्या आरोपींना ठोकल्या बेड्या!

लोणार (हॅलो बुलडाणा/संदीप मापारी) औषधी दुकान व किराणा दुकान फोडून चोरी करणाऱ्या आरोपींना लोणार पोलिसांनी सिनेस्टाईल पाठलाग करत काल जेरबंद केले. चोरट्यांच्या गाडीचे टायर फुटल्याने ते पकडल्या गेले.

पोलिसांनी शहरातील विनायक चौक परिसरात पाच चोरांनी एर्टिगा कारमधून शहरात प्रवेश केला आणि किराणा दुकानातून ६५०० रुपये रोख तसेच विनायक चौकातील कुशल मेडिकलच्या शीतल सूरजमल बोरा हिच्यासह ६५०० रुपये रोख चोरले. या प्रकरणी बोरा यांनी तक्रार दिली होती. दरम्यान गस्त घालत असताना, पोलिसांना कुशल मेडिकलमधून बाहेर पडलेल्या पांढऱ्या एर्टिगा कारबद्दल संशय आला. त्यानंतर पोलिसांनी त्यांच्या गाडीचा पाठलाग केला आणि त्यांना अटक करण्याचा मार्ग मोकळा झाला होता. प्राथमिक माहितीनुसार, पाचही आरोपींनी रात्री विनायक चौकातील किराणा दुकान आणि कुशल मेडिकलचे कुलूप तोडले आणि कॅश बॉक्समधून काही रोख रक्कम आणि छोट्या वस्तू चोरल्या. चोर शहरातील इतर दुकानांमध्ये घुसण्याच्या तयारीत असताना गस्त घालणाऱ्या लोणार पोलिसांना संशयास्पद हालचालींची माहिती मिळाली. लोणारचे पोलिस निरीक्षक निमिश मेहत्रे, सहाय्यक पोलिस निरीक्षक गणेश इंगोले, धनंजय इंगोले, संतोष चव्हाण आणि त्यांच्या पथकाने चोरांवर लक्ष ठेवण्यास सुरुवात केली. यावेळी चोरट्यांनी त्यांच्या इरिका कारमधून घटनास्थळावरून पळून जाण्याचा प्रयत्न केला. तथापि, पोलिसांनी अतिशय तत्पर आणि धाडसी निर्णय घेत चोरट्यांच्या गाडीचा पाठलाग सुरू केला. चित्रपटाच्या शैलीत काही अंतर पाठलाग केल्यानंतर मेहकर रोडवरील वैभव पेट्रोलियमसमोर अचानक चोरट्यांच्या गाडीचा टायर फुटला. त्यामुळे गाडीचा ताबा सुटला आणि अपघात झाला. अपघात होताच पोलिसांनी घटनास्थळी पोहोचून तीन चोरट्यांना अटक केली, तर इतर पळून जाण्यात यशस्वी झाले, ज्यांचा पोलिस तपास सुरू आहे. पोलिसांनी तीन आरोपींना ताब्यात घेतले आहे आणि त्यांच्याकडून चोरीला गेलेली रोकड आणि सामान जप्त केले आहे. गुन्ह्यात वापरलेली कार देखील पोलिसांनी जप्त केली आहे. एकूण ७ लाख रुपयांपेक्षा जास्त किमतीचा माल पोलिसांनी जप्त केला आहे. प्राथमिक तपासात आरोपी शेजारच्या जिल्ह्यातील असल्याचे सांगितले जात आहे. कृष्णा सुदाम चोडीदार (वय ३४, रा. बोकुड, जिल्हा पैठण, छत्रपती संभाजी नगर), साहेबराव उर्फ बाप्पा पराजी चालक (वय ५० वर्षे) रा. खाडी रोड, बीड बायपास छत्रपती संभाजी नगर), परमेश्वर अशोक गायकवाड (वय ३०, रा. कुंभफेल, जिल्हा छत्रपती संभाजी नगर) या आरोपींनी यापूर्वीही अशाच प्रकारच्या चोरी केल्याचा पोलिसांना संशय व्यक्त केला आहे. या संपूर्ण कारवाईची अचूक माहिती मिळवून आणि वेळेवर कारवाई करून लोणार पोलिसांनी शहरातील मोठी चोरीची घटना रोखली आहे. पोलीस निरीक्षक मेहेत्रे यांच्या मार्गदर्शनाखाली पथकाच्या सतर्कतेमुळे शहरातील इतर दुकानांचे होणारे नुकसान टळले आहे.