💥EXCLUSIVE! बुलढाण्यात शिवसेनेची ‘होळी’, पण लाकडे काँग्रेसची! शिंदे गटात संजय राठोड? व्हायरल फोटोने चर्चेला उधाण!

बुलढाणा (हॅलो बुलडाणा) शिवसेनेचे आमदार संजय गायकवाड काँग्रेसच्या नेत्यांना आपल्या पक्षात खेचण्याचा सपाटा लावत आहेत. शिवसेनेची ‘होळी’, पण लाकडे काँग्रेसची विजय अंभोरे आणि अ‍ॅड. गणेश सिंग राजपूत यांच्या प्रवेशानंतर आता काँग्रेसचे राज्य उपाध्यक्ष संजय राठोड यांचा शिवसेनेत जाण्याचा मार्ग मोकळा झाला आहे. उपमुख्यमंत्री एकनाथ शिंदे यांच्यासोबत त्यांचा फोटो व्हायरल झाल्याने चर्चांना अधिक जोर आला आहे.

सूत्रांच्या माहितीनुसार, राठोड यांनी विधान परिषद किंवा महामंडळाच्या पदाची मागणी केली आहे. यवतमाळचे संजय राठोडही त्यांना पाठिंबा देत असल्याचे कळते. प्रदेशाध्यक्ष हर्षवर्धन सपकाळ यांच्या नेतृत्वावर नाराजी, आमदार संजय गायकवाड यांची शिष्टाई, की वैयक्तिक महत्त्वाकांक्षा—राठोड यांच्या निर्णयामागचे नेमके कारण स्पष्ट नाही.

गेल्या काही दिवसांत काँग्रेसच्या बड्या नेत्यांचा शिवसेनेत प्रवेश वाढला असून, आ.गायकवाड यांनी काँग्रेससाठी मोठा धक्का देण्याची तयारी केली आहे. आता त्यांच्या या हालचालींवर काँग्रेस नेते मुकुल वासनिक काय भूमिका घेतात, याकडे साऱ्यांचे लक्ष आहे.