💥वाढदिवस चिंतन! – तेरा मार्च मेरा मार्च!

हे निर्मिका आज होळी!रंग प्रेम आणि वसंत ऋतु..आणि त्यात माझा वाढदिवस! राधा- कृष्णाचे शाश्वत आणि दैवी प्रेम साजरे होत असताना,माझा वाढदिवस आलाय हे दूर्मिळ सौभाग्यच! पण निर्मिका मी

कोणताही अर्ज केला नव्हता की, कुणाचीही शिफारस नव्हती,असे कोणतेही असामान्य कर्त्तृत्व ही नाही, तरीही डोक्याच्या केसांपासून पायाच्या अंगठ्या पर्यंत 24 तास तु रक्त फिरवतोस ..जिभेवर नियमित लाळेचा अखंड अभिषेक करत आहेस.अखंडपणे तू माझे हे हृदय चालवतोस.. चालणारे कोणते यंत्र तू फिट करुन दिले आहेस रे? पायाच्या नखापासून ते डोक्याच्या केसापर्यंत विना अडथळा संदेश वहन करणारी प्रणाली कोणत्या अदृष्य शक्तीने चालते आहे, काही समजत नाही.
हाडांमध्ये तयार होणारे रक्त कोणते जगावेगळे आर्किटेक्चर आहे,याचा मला मागमूसही नाही.
हजार हजार मेगापिक्सल वाले दोन दोन कॅमेरे अहोरात्र सगळी दृश्ये टिपत आहे.
दहा दहा हजार टेस्ट करणारा जीभ नावाचा टेस्टर,अगणित संवेदनांची जाणीव करुन देणारी त्वचा नावाची सेन्सर प्रणाली आणि वेगवेगळ्या फ्रिक्वेंसीची आवाज निर्मिती करणारी स्वरप्रणाली आणि त्या फ्रिक्वेंसीचे कोडींग डीकोडींग करणारे कान नावाचे यंत्र!
पंच्याऐंशी टक्के पाण्याने भरलेला शरीर रुपी टँकर हजारो छिद्रे असतानाही कुठेही लिक होत नाही.स्टॅण्ड शिवाय मी उभा राहू शकतो. गाडीचे टायर झिजतात,पण पायांचे तळवे कधीही झिजत नाही. अद्भुत अशी रचना आहे तुझी!
संभाळणे,स्मृती,
शक्ती,शांती हे सर्व तु देतोस. तुच आत बसुन शरीर चालत आहे.
अद्भूत, अविश्वसनीय, अनाकलनीय अशा शरीर रुपी मशीनमध्ये कायम ‘मी’ आहे, याची जाणीव करुन देणारा ‘अहं’ तू असा काही फिट बसविला आहे की आणखी काय तुझ्याकडे मागावं?
तुझ्या या जीवा-शिवाच्या खेळाचा निखळ, निस्वार्थी आनंदाचा वाटेकरी राहीन.! अशी सद्बुद्धी मला दे!तूच हे सर्व सांभाळतो आहे याची जाणीव मला सदैव राहू दे! व रोज क्षणोक्षणी कृतज्ञतेने तुझे स्मरण, चिंतन व्हावे हीच अंतःकरण पूर्वक ईच्छा !
▪️प्रशांत खंडारे
पत्रकार,बुलढाणा.