बुलढाणा /अबुधाबी (हॅलो बुलडाणा) देशभरासह विदेशातही हिंदवी स्वराज्याचे संस्थापक छत्रपती शिवाजी महाराज यांचा जयंती उत्सव मोठ्या उत्साहात साजरा करण्यात आला आहे. या उत्सवासह आखाती देश अबुधाबी येथे बुलढाण्याचे केंद्रीय आयुष मंत्री प्रतापराव जाधव यांची झालेली ग्रँड एंट्री देखील बुलढाण्यासाठी भूषणावह ठरली आहे.
प्रत्येकांच्या हृदयावर राज्य गाजविणारे
हिंदवी स्वराज्याचे संस्थापक छत्रपती शिवाजी महाराज यांची जयंती देशभरासह विदेशातही साजरी झाली. आखाती देश अबुधाबी येथे 23 फेब्रुवारीला साजऱ्या झालेल्या शिवजयंती सोहळ्यात केंद्रीयमंत्री प्रतापराव जाधव सहभागी झाले होते. आखाती देशांमध्ये स्थायिक झालेल्या नवीन मराठी पिढीला इतिहासाची ओळख व्हावी, या दृष्टिकोनातून दुबईतील अबुधाबी येथे इन्स्पायर इव्हेंट अँड प्रमोशन व भारतीय स्थानिक रहिवाशी यांच्या संयुक्त विद्यमाने बीएपीएस हिंदू मंदिर अबूधाबी दुबई येथे शिवजयंती कार्यक्रमाचे आयोजन करण्यात आले होते.या कार्यक्रमाचे निमंत्रण केंद्रीयमंत्री प्रतापराव जाधव यांना देण्यात आले होते. या निमंत्रणाचा स्वीकार करून अबूधाबी येथे होणाऱ्या छत्रपती शिवाजी महाराजांची जयंती उत्सवाच्या कार्यक्रमात केंद्रीयमंत्री प्रतापराव जाधव सहभागी झाले.दरम्यान तेथील मराठी माणसांसोबत ही त्यांनी संवाद साधत शिवरायांच्या इतिहासाला उजाळा दिला.
व्हिडीओ
