बुलढाणा (हॅलो बुलढाणा) जप्त करून ठाण्यात उभा केलेला अवैध वाळूचा ट्रॅक्टर कारवाई न करताच सोडून देण्यात आल्याने रायपूर पोलिसांची वाळू तस्करांशी ‘सेटिंग’ तर नाही ना? असा प्रश्न सध्या निर्माण झालाय.या घटनेमुळे खाकीवर्दीकडे संशयाने पाहल्या जात आहे.
मोहम्मद शमीम मोहम्मद वसीम सौदागर रा. रायपूर, ता. जि. बुलडाणा यांनी जिल्हा पोलीस अधीक्षकाकडे या संदर्भात दिलेल्या तक्रारीत नमूद केले आहे की, 22 जून रोजी रायपुर ते सैलानी रोडवर अवैधरित्य रेतीची वाहतूक करणाऱ्या एका ट्रॅक्टरला रायपूर पोलिसात कार्यरत पोलीस कर्मचारी अनंत कळमकर यांनी पकडले व त्यांनी सदर ट्रॅक्टर रायपूर पोलीस ठाण्याच्या आवारात लावून दिले. सदर ट्रॅक्टर रायपूर येथील मोबीन नाईन यांचा असून पोलिसांनी गौण खनिजाची चोरी करणाऱ्या ट्रॅक्टर चालक किंवा मालका विरुद्ध कोणतीही कारवाई केली नाही.उलट ट्रॅक्टरला काही तासानंतर सोडून देण्यात आले आहे. ट्रॅक्टर का सोडण्यात आले व त्याच्यावर योग्य ती कारवाई का करण्यात आली नाही? असा प्रश्न उपस्थित करत संबंधितावर कारवाई करण्याची मागणी निवेदनात शमीम सौदागर यांनी केली आहे.
कळमकर आणि गव्हाणे यांची भूमिका संशयास्पद
याप्रकरणी अधिक माहिती घेतली असता असे समोर आले की, जवळपास अर्धा ट्रॉली रेती घेऊन जाणाऱ्या ट्रॅक्टरला रायपूर पोलीस ठाण्यातील खुफिया विभागात कार्यरत पोलीस कर्मचारी अनंता कळमकर यांनी पकडले व त्यांनी चालकाला वाळूची रॉयल्टी बाबत विचारपूस केली असता चालकाने रॉयल्टी दाखवली नाही म्हणून ट्रॅक्टरला ठाण्यात आणून उभे करण्यात आले. बुलडाण्यात पोलीस भरती सुरू असल्याने ठाणेदार दुर्गेश राजपूत हे भरतीत व्यस्त होते.सदर ट्रॅक्टर मध्ये गौण खनिज असल्या कारणाने नियमानुसार पोलिसांनी याबाबतचा पत्रव्यवहार बुलढाणा तहसीलदारांशी करणे क्रमप्राप्त होते परंतु असे ना करताच साहेबांचे रायटर राजू गव्हाणे आणि खुफियाचे कर्मचारी अनंता कळमकर यांनी सदर ट्रॅक्टर परस्पर सोडून दिला.
एमव्ही ऍक्ट प्रमाणे कारवाई केल्याचा दावा
रायपूर पोलिसाद्वारे पकडण्यात आलेल्या ट्रॅक्टरला काही तासानंतर सोडून देण्यात आले होते. याबाबतची माहिती मिळाल्यानंतर जेव्हा रायपुर ठाणेदार दुर्गेश राजपूत यांचे रायटर राजू गव्हाणे यांना विचारणा केली असता ते सदर ट्रॅक्टर मध्ये थोडीच रेती होती म्हणून त्या वाहनावर एमव्ही ऍक्ट प्रमाणे कारवाई करून त्याला सोडून देण्यात आले आहे.हे उत्तर किती खरे आणि किती खोटे हे त्यांनाच माहित, परंतु आता वाहनांना दंड करण्याची यंत्रणा ऑनलाइन झालेली आहे. त्यामुळे 22 तारखेला सदर ट्रॅक्टर वर खरंच एमव्ही ऍक्ट प्रमाणे कारवाई करण्यात आली का?? हा सुद्धा तपासाचा भाग झाला.
