बुलढाणा (हॅलो बुलढाणा) सर्वत्र माँ आदिशक्तीचा जागर सुरू असून येथील राजे लॉनमध्ये यंदा प्रथमच ‘हॅलो बुलढाणा’ व कायस्थ कॅटर्स यांच्या संयुक्त विद्यमाने आयोजित केलेल्या गरबा महोत्सवाला ‘रेकॉर्ड ब्रेक’ होत आहे.नियोजनपूर्वक आयोजन केल्याने या गरबा महोत्सवाला बुलढाणेकरांचा उस्फुर्त प्रतिसाद मिळतोय!
‘हॅलो बुलढाणा’ न्यूज वेब पोर्टल व कायस्थ कॅटर्स यांच्या संयुक्त विद्यमाने विष्णूवाडीतील राजे गार्डन येथे 20 सप्टेंबर ते एक आक्टोंबर दरम्यान मोफत विशेष गरबा प्रशिक्षण घेण्यात आले होते.आता हा गरबा उत्सव 3 ते 11 ऑक्टोबर दरम्यान रंगत जाणार आहे. शिवाय गरबा खेळणाऱ्या महिला व युवतींसाठी लाखोंचे जिंकण्याची संधी देखील उपलब्ध झाली आहे.गरबा उत्सावाने भाविकांचा उत्साह शिगेला पोहोचवला आहे. एकापेक्षा एक वेशभूषा व नृत्याने उपस्थित मंत्रमुग्ध होताना दिसतात. दरम्यान उत्कृष्ट गरबा सादरीकरण करणाऱ्या व उत्कृष्ट वेशभूषा करणाऱ्या महिला व युवतींना मान्यवरांच्या हस्ते बक्षिस देऊन सन्मानित केले जात आहे.त्यामुळे दररोज गरबा महोत्सवाला रंग चढत आहे.
