मलकापुर (हॅलो बुलढाणा/रवींद्र गव्हाळे) खा. राहुल गांधी यांना जीवे मारण्याची धमकी देणाऱ्या भाजप नेता तरविंदरसिंह मारवा यांना गजाआड करण्याची मागणी मलकापूरातील तालुका व शहर काँग्रेस कमिटीने सरकारकडे रेटली आहे.
दिल्ली भाजपाचा नेता व माजी आमदार तरविंदरसिंह मारवा याने आपचे नेते, लोकसभा विरोधी पक्षनेते मा. खासदार राहुल गांधी यांना जीवे मारण्याची धमकी दिली आहे. गांधी कुटुंबाने देशासाठी त्याग व बलिदान दिले आहे.देशविघातक शक्तींनी महात्मा गांधी, इंदिरा गांधी, राजीव गांधी यांचे बळी घेतले आहेत. आता पुन्हा गांधी संपवण्याची जाहीर धमकी दिली जात आहे व भाजपाचे सरकार मात्र काहीही कार्यवाही करत नाही हे अत्यंत गंभीर व आक्षेपार्ह आहे. खासदार राहुल गांधी यांना जीवे मारण्याची धमकी देणाऱ्या भाजपाचा माजी आमदार तरविंदरसिंह मारवा याला तत्काळ अटक करून कठोर कार्यवाही करावी अशी मागणी मा.महामहीम राष्ट्रपती भारत सरकार यांना मलकापूर तहसीलदार यांच्यामार्फत निवेदनातून करण्यात आली आहे.यावेळी डॉ अरविंद कोलते, राजूभाऊ पाटील, बंडूभाऊ चौधरी, तुषार पाटील, अनिल गांधी, अनिल खर्चे सर, राजेंद्र वाडेकर, जावेद कुरेशी, प्रमोद दादा अवसरमोल, जाकीर मेमन, ज्ञानदेवराव तायडे, सलीम कुरेशी विनय काळे, अनिल भारंबे, विकास भगत, साजिद खान, फिरोज खान, नजीम नवाज, वाजिद खान, उस्मान मास्टर, अशोक मराठे, ईश्वर भदाले व काँग्रेसचे सर्व नेते पदाधिकारी कार्यकर्ते मोठ्या संख्येने उपस्थित होते.
