बुलढाणा (हॅलो बुलढाणा) आम्ही सर्वच घटनेवर लक्ष ठेवून असतो. प्रशासनाला वेळोवेळी सावध करीत असतो. पण हे प्रशासन ऐकत नाहीत! परिणामी गरिबांचा जीव जातो. दुपारी जिल्ह्यात 33 डेंग्यू चे रुग्ण आढळल्याची बातमी प्रसारित झाली होती. परंतु आरोग्य विभाग काय करतो? हा प्रश्न आता पडला आहे. त्याचे कारणही असे आहे की एकाला डेंग्यूमुळे जीव गमवावा लागला.
बुलढाणा तालुक्यातील रायपूर ग्रामपंचायतच्या गलथान कारभार आणि दुर्लक्षपणामुळे गावात घाणीचे साम्राज्य पसरलेले असून, गावातील नाल्या तुडुंब भरलेले आहेत. ज्यामध्ये डासाची उत्पत्ती होऊन,नागरिकांचे आरोग्य धोक्यात आले आहे. घरात साचलेल्या पाण्यात देखील डेंग्यू डोके वर काढतो.अशातच गावातील 48 वर्षीय गजानन करडेल या व्यक्तीला डेंग्यूचे निदान झाल्यानंतर प्रथम बुलढाणा व नंतर छत्रपती संभाजी नगर येथील घाटी रुग्णालयात त्यांना दाखल करण्यात आले,उपचार सुरू असताना आज 20 जुलै रोजी त्यांचा मृत्यू झाला आणि त्यामुळे संतप्त झालेल्या नातेवाईकांनी रायपूर ग्रामपंचायत प्रशासनाचा निषेध करत मृतदेह हा छत्रपती संभाजीनगर येथून दुपारी 4 वाजेच्या सुमारास सरळ ग्रामपंचायत समोर आणल्याने एकच खळबळ उडाली.तात्काळ ग्रामपंचायतने गावात स्वच्छता अभियान राबवून नागरिकांचे धोक्यात आलेले आरोग्य वाचवावे अशी मागणी लावून धरली. नातेवाईक व गावकऱ्यांचा हा आक्रमक पवित्रा पाहता ठाणेदार दुर्गेश राजपूत यांनी आपल्या पथकासह ग्रामपंचायत गाठून संतप्त झालेल्या लोकांची समजूत काढण्याचा प्रयत्न केला आणि त्यानंतर ग्रामपंचायत कडून आश्वासन मिळाल्यानंतर प्रेतावर अंतिम संस्कार करण्यात आले. मात्र अंतिम संस्कार केल्यानंतर संतप्त गावकरी ग्रामपंचायत समोर पोहोचले व त्यांनी ग्रामपंचायतचा घेराव घालत बैठा आंदोलन सुरू केला.यावेळी ग्रामसेवक गणेश पायघन ग्रामस्थांना समजावण्याचा प्रयत्न करीत होते.
दुपारी वृत्त प्रकाशित केले.. मात्र प्रशासनाने काळजी घेतली नाही! -अखेर डेंग्यूचा बळी गेलाच!
