चिखली (हॅलो बुलढाणा/ सय्यद साहिल) चिखली शहरातील मेहकर फाटा येथील हरदेव हॉटेलमध्ये घडलेल्या एका दुर्दैवी घटनेने परिसरात खळबळ उडाली आहे. संतोष प्रकाश बळप (वय 33, रा. रामनगर, चिखली) हा तरुण सोमवार दि. 7 ऑक्टोबर रोजी रात्रीच्या सुमारास हॉटेलच्या संडास-बाथरूममध्ये अचानक पडल्याने गंभीर जखमी झाला. त्याला तत्काळ सरकारी रुग्णालयात उपचारासाठी दाखल करण्यात आले, मात्र डॉक्टरांनी तपासणीअंती त्याला मृत घोषित केले.
या घटनेची माहिती मिळताच पोलिसांनी घटनास्थळी धाव घेतली. ठाणेदार संग्राम पाटील यांच्या मार्गदर्शनाखाली हेडकॉन्स्टेबल कडूबा मुंडे (ब.नं. 174, पो.स्टे. चिखली) हे तपास करत आहे. प्राथमिक अंदाजानुसार मृत्यू हा अपघाती असल्याचे समोर आले आहे. संतोष हा फिर्यादी प्रकाश दगडू बळप यांचा मुलगा असून, अचानक झालेल्या या मृत्यूमुळे बळप कुटुंबावर दुःखाचा डोंगर कोसळला आहे.
