बुलढाणा (हॅलो बुलढाणा) शहरातील जिल्हाधिकारी कार्यालया जवळ ट्रेझरी ऑफिस समोर काल रात्री अज्ञात वाहनाने वृद्ध महिलेला चिरडल्याची घटना समोर आली आहे. सकाळी पोलीसांना माहिती मिळताच घटनास्थळी पोहोचले होते.
शहरात वाहनांची वेगमर्यादा निश्चित राहिलेली नाही.वाहतूक पोलीस सुद्धा कर्तव्य व्यवस्थित पार पाडत नसल्याचे चित्र आहे.लाखो रुपये खर्च करून ही शहरात चौकातील सिग्नल व्यवस्था विस्कळीत आहे.याकडे लोकप्रतिनिधींचे व पोलीस विभागाचे दुर्लक्ष आहे.त्यामुळे शहरातील विविध रस्त्यांवरून बेफाम वाहतूक सुरू असते.संगम चौक,तहसील चौक,कारंजा चौक,चिंचोले चौक, त्रिशरण चौक, जयस्तंभ चौक येथे नेहमी वाहतुकींची कोंडी होते.मात्र येथे वाहतूक सुरळीत करण्यास एकही पोलीस दिसून येत नाही.परिणामी अपघाताचे दिवसेंदिवस प्रमाण वाढत आहे. काल रात्री ट्रेझरी ऑफिस समोर रात्री अज्ञात वाहनाने वृद्ध महिलेला चिरडल्याची दुर्दैवी घटना घडली आहे.पोलीस तपास करत आहेत.
