बुलढाणा (हॅलो बुलढाणा) जिगाव प्रकल्पाच्या संदर्भात प्रशासनाचे लक्ष वेधण्यासाठी व निषेधार्थ केलेल्या जलसमाधी आंदोलनादरम्यान स्वातंत्र्यदिनी नदीत उडी घेतलेल्या विनोद पवार नामक आंदोलकाचा मृतदेह काल 30 तासाच्या शोध मोहिमेनंतर आंदोलन स्थळापासून 14 किलोमीटर दूरवर धूपेश्वर नजीक नदीपात्रात गाळात फसलेल्या स्थितीत आढळून आला आहे.
रस्त्याची मागणी पूर्ण होत नसल्याने एका शेतकऱ्याने नदीपात्रात उडी घेऊन जलसमाधी घेतल्याची स्वातंत्र्यदिनी जळगाव जामोद येथे खळबळजनक घटना घडली होती.परंतु काल पहाटे सहा वाजता पासून बचाव पथक त्यांचा शोध घेत होते. जल समाधी आंदोलन दरम्यान नदीत उडी घेतल्यानंतर कोणीही विनोद पवार यांना वाचवण्याचा प्रयत्न केला नसल्याचा आरोप नातेवाईकांकडून करण्यात आला आहे.एनडीआरएफची टीम घटनास्थळी दाखल झाली परंतू त्यांना यश आले नव्हते. काल पहाटे सहा वाजताच्या दरम्यान विलास निंबोळकर यांच्या नेतृत्वात जीवरक्षक ओम साई राम फाउंडेशन टीम नांदुरा आणि रुक्माई जीवरक्षक फाउंडेशन टीम तसेच जिल्हाधिकारी यांच्या मार्गदर्शनाने नैसर्गिक आपत्ती विभागाचे आपत्ती व्यवस्थापन अधिकारी संभाजी पवार यांच्या मार्गदर्शनाने बचाव टीम यांनी शोध कार्य केले असता त्यांचा मृतदेह 30 तासानंतर 14 किलो मिटर दूर धूपेश्वर नदी पात्रात आढळून आला आहे.
