बुलढाणा (हॅलो बुलडाणा) स्वातंत्र्याचा अमृत महोत्सव आणि फाळणी अत्याचार स्मृती दिनानिमित्त माजी आमदार तथा भाजपा जिल्हाध्यक्ष विजयराज शिंदे यांच्या नेतृत्वात भारतीय जनता पक्षातर्फे तिरंगा रॅली काढून शहीद जवानांना आज अभिवादन करण्यात आले. एका डोळ्यात आनंदाश्रू तर दुसऱ्या डोळ्यात दुःखाचे अश्रू अशी स्थिती आहे, असे म्हणत देशाची फाळणी करणाऱ्या तत्कालीन राज्यकर्त्यांचा शिंदे यांनी निषेध नोंदविला.दरम्यान युद्ध स्मारकावर जाऊन स्वातंत्र्यासाठी बलिदान देणाऱ्या तमाम सैनिकांना माजी सैनिकांच्या साक्षीने मानवंदना देण्यात आली आहे.
14 ऑगस्ट हा दिवस ‘फाळणी आठवणींचा दिवस’ म्हणून पाळला जातो, ज्यामध्ये 1947 च्या फाळणीच्या वेदनादायक घटनांची आठवण केली जाते. या दिवशी, फाळणीच्या वेळी झालेल्या हिंसाचार, विस्थापन आणि जीवितहानीची आठवण करून, त्यातून शिकवण घेऊन भविष्यात अशी घटना पुन्हा घडू नये यासाठी प्रयत्न करण्याचा संकल्प केला जातो.फाळणीच्या वेळी झालेल्या वेदना, दुःख आणि त्यागाचे स्मरण करणे, तसेच या इतिहासातून शिकवण घेऊन भविष्यात एकता आणि शांतता प्रस्थापित करणे हा या दिवसाचा मुख्य उद्देश आहे.फाळणीच्या वेदनादायक घटनांची आठवण करून, आपण भविष्यात अशी घटना पुन्हा घडू नये यासाठी प्रयत्नशील असायला हवे, असे काही अभ्यासक म्हणतात. याच उद्देशाने भाजपा जिल्हाध्यक्ष विजयराज शिंदे यांच्या नेतृत्वात भारतीय जनता पक्षातर्फे विविध मार्गावरून तिरंगा रॅली काढून शहीद जवानांना अभिवादन करण्यात आले आहे.
