💥’शिक्षण मंदिर की गुन्हेगारीचा अड्डा?’ – अखेर न्याय मिळाला! – मुख्याध्यापकाने शिवाजी हायस्कूल च्या कार्यालयातच घेतली होती फाशी! – पाच आरोपींनी आत्महत्या करण्यास केले होते प्रवृत्त!

जानेफळ (हॅलो बुलडाणा) अलीकडे काही शिक्षण संस्थेत खाबूगिरी व गुन्हेगारी वाढत आहे. हे जानेफळ येथील शिवाजी हायस्कूलच्या मुख्याध्यापकांना मानसिक व शारीरिक त्रास देऊन आत्महत्या करण्यास भाग पडल्याच्या घटनेवरून दिसून येत आहे.रत्नाकर उर्फ विजय शिवाजी गवारे 56 रा. हिवरा खुर्द हमु मेहकर असे आत्महत्या केलेल्या मुख्याध्यापकाचे नाव आहे. त्यांनी 26 मार्च 2024 ला आत्महत्या केली होती.मात्र उशिरा का होईना त्यांना न्याय मिळाला असून,आरोपीं विरोधात गुन्हा दाखल झाला आहे.

आरोपींमध्ये सागर श्रीकृष्ण देवकर, ज्ञानेश्वर श्रीकृष्ण देवकर दोघे रा. हिवरा खुर्द ता. मेहकर,गजानन शंकर काळे, तुळशीदास रामदास शेळके, दोघे रा.जानेफळ ता. मेहकर व अनिल गणपत चांदणे रा. मुंदेफळ ता. मेहकर यांचा समावेश असून त्यांच्यावर पोलिसांनी गुन्हा दाखल केला आहे.उपरोक्त पाचही आरोपींनी संगणमत करून शाळेच्या कामकाजाच्या कारणावरून वेळोवेळी खोटे काम व खोट्या नोटीसा तामिल करण्यास सांगून मुख्याध्यापक म्हणून लायकीचा राहिला नाही असे म्हणत राजीनामा दे म्हणून मानसिक त्रास देऊन मुख्याध्यापक रत्नाकर गवारे यांना आत्महत्या करण्यास प्रवृत्त केल्याची तक्रार मृतकाचे वडील (सेवानिवृत्त मुख्याध्यापक) शिवाजी तुकाराम गवारे 79 यांनी पोलिसात फिर्याद दाखल केली होती.त्यांनी वरिष्ठांकडे तक्रारीचा पाठपुरावा केल्याने अखेर न्याय मिळाला असून आरोपीं विरुद्ध गुन्हा दाखल करण्यात आला.